Психологиялық тренинг Біз кереметпіз!

[link]

Мақсаты:Ұстаздардың эмоционалды көңіл - күйлерін көтеру, кәсіби шеберліктерін арттыру және топтасып жұмыс істеуді дамыту.
Тренинг ережесі:
Тыңдай білу
Белсенді қатысу
Сөзді бөлмеу
Күлімсіреу
Сын айтпау
Уақытқа бағыну
Психолог : Сәлеметсіздер ме, құрметті әріптестер! Біз сіздерді тағатсыздана күттік және сіздермен кездескеніміз үшін қуаныштымыз. Сондықтан мен сіздерді «Теңізге саяхат» релаксациялық жаттығуды орындауға шақырамын.
1. Релаксация «Теңізге саяхат»
Жайланып отырыңыз, көзіңізді жұмыңыз. Терең демалыңыз, денеңізді бос ұстаңыз, денеңізді ауырлап бара жатқандай және оны теңіз толқынының лебі ұрып жатқандай сезініңіз. Өзіңізді жартастың үстінде тұрмын деп есептеңіз және алысқа көз жіберіңіз. Сіздің алдыңызда көгілдір теңіз, ашық аспан және күн. Теңіз бірқалыпты дем алып,асау толқындары жағаға соғылып, қайтадан кейін қайтуда.Теңіз толқындарының шуын естіп, толқындарға қызыға қарап, жағалаудағы теңіздің тұзды ауасын жұтып сіз тұрсыз. Өз бойыңызды басқан ауыртпалықтан бір сәтке болсада арылғандайсыз. Сіздің рухыңыз жайлылық сезіміне толы. Сіз төменге түсіп, аяғыңызды шештіңіз, жалаң аяқ құмның қызуы мен жұмсақтығын сезіне отырып жүгірудесіз. Міне сіз судың жанына келдіңіз, толқындар сіздің аяғыңызды жуып жатыр, су жып-жылы әрі жұп-жұмсақ. Сіз қолдарыңызды бос тастап, басыңызды шалқайттыңыз. Күн сәулесі мен жеңіл самал сіздің бетіңізді өбуде, теңіз толқындарының тамшылары сіздің денеңізді баурап алғандай. Ерніңізде теңіздің тұзды суының кермек дәмі және бақыт күлкісі. Сіз өзіңізді кішкентай бала сияқты сезініп, жүгіргіңіз, секіргіңіз, су шашып ойнағыңыз, күлкіңіз келеді. Өзіңізге осы бірнеше минут ішінде не істегіңіз келсе, соны істеуге рұқсат етіңіз. Сіздің қайтатын уақытыңыз болды. Міне сіз тағы да жардың басында тұрсыз. Сіз демалыс пен бақыт сыйлаған ғажайып әлемге алғысыңызды айтыңыз. Асықпай бұл орынмен қоштасыңыз. Қандай ғажап табиғат, таза ауа, жұмсақ құм, жылы су! Енді кең дем алып, ақырын демімізді шығарамыз. 
Біздің басымыз артық ойлардан тазарды. Біз өзімізге күні бойға жетер 
жігер, қуат жинадық, біздің көңіліміз қуанышты. Біз осы өмірдегі ең бай,
ең байсалды, ең білімді, ең керемет жандармыз!
Бір - бірімізге қуанышты сезіммен қараймыз. Біз қандай бақыттымыз! Қандай кереметпіз! Көздеріңізді асықпай ашыңыздар. 
Рефлекция! Қазір қандай күйдесіздер?Босаңсу жаттығулары қаншалықты нәтиже береді екен ?Тренингтен алған әсерлеріңіз қандай? Тыңдағандарыңызға рахмет!



2. «Танысу, балалық шаққа саяхат» ойыны 
Мақсаты: Топта жұмыс жүргізу үшін жағымды ахуал орнату, қарым - қатынысатың белсенді стилін және кері байланыс немесе алу тәсілдерін меңгеру; 
Психолог:Біздің барлығымыз да үнемі табыс биігінен көрініп керемет болғымыз келеді. Бүгінгі тренингтің тақырыбы «Біз кереметпіз!» Осы сөздің мағынасын ашып бір-екі ауыз сөз айтсаңыз! Мысалы : идеал, үлгілі, өте жақсы, тамаша т. б.
Қазақ тілінің түсіндірме сөздігінде «керемет» сөзіне анықтама бар: бұл «үздік, өте жақсы, ғажайып, тамаша» деген мағынаны береді. Жарайды өте жақсы! Әрбір күн – таңертеңнен басталады. Біз ойнауға тиіспіз. Музыка қосылады. 
Жұмысымызды бастамас бұрын амандасып, танысып алайық.
Қазір бір сәтке балалық шағымызға саяхат жасаймыз. Алдарыңызда берілген ақ параққа бірінші өз есімдеріңізді , екінші сіздерді жақын туыстарыңыз бала кездеріңізде еркелетіп қалай атады, соны есімізге түсіріп жазайық, үшінші япон алфавиті бойынша сіздің есіміңіз қалай аталады, соны жазайық. Мысалы, менің есімім Гульмира, мені апам кішкентай кезімде «құлыным» деп атаған, японша Жи дота зук рин ки шика. Ойын ары қарай жалғасады. Қаншама әдемі аттарды естідік, тамаша! Енді орнымызға жайғасайық!

Психолог: Рахмет, тренингіміздің келесі бөліміне өтеміз. 
3. « Таңғажайып дорба » ойыны
Ортаға иіс сезгіш 4 топтан бір-бір мұғалім ортаға шықса.Енді мен сіздерге бірнеше жеміс , көкөніс бөліктері бардорбаны көрсетейін. Мұғалімнің көзі орамалмен байланып , дорбадағы заттың иісін иіскеп , оның қай жеміс екенін ,дәмі , формасы , түсі жайында ажырата баяндайды .
(банан, бұрыш, картоп, сәбіз, алма, алмұрт, киви, апельсин, мандарин, қызылша ). Өте жақсы!
4. Сауалнама «Әділ басшы» және «Сіз қандай жұмысшысыз?»
«Әділ басшы» тесті.
Аты- жөніңіз ____________________________________________________
Мектебіңіз______________________________________________________
Қызметіңіз _____________________________________________________
Сұрақтар:
1.Әдістемелік бірлестік басшысы етіп сіз ... сайлайсыз: 
а) барлық мұғаліммен достықтағы мұғалімді 
б) жақсы жұмыс істейтін мұғалімді 
в) жақсы лидерлік қасиеті бар мұғалімді
2. Көбіне сіз ... мақтайсыз: 
А) мұғалімдермен жақсы қарым-қатынаста, сізге барлығын айтып, баяндап отыратындарды 
Б) жақсы жұмыс істеп, жоғары көрсеткіш көрсеткендерді 
В) ыждағаттылығының нәтижесіне қарамастан, кім жақсы тырысады 
3. Сіз (семинарды, ашық сабақты, жиналысты) ең жауапты жұмысты сеніп тапсырасыз: 
а) кім сөзге шебер және жақсы жұмыс істесе; 
б) оларда өздерін көрсетсін деп, белсенділігі төмен мұғалімдерге; 
в) мектеп әкімшілігі қалайтын мұғалімдерге. 
4. Сіз жоқ кезде мұғалімдер арасында сіз туралы әңгіме жүрді, сіз...
а) әр мұғаліммен жеке-жеке сөйлессіз 
б) жеке өзіңіз секемденгендермен сөйлесесіз 
в) сабақ боларлық әңгіме жүргізіп және кінәлілерді жазаламайтыныңызды айтып, олардың өздерін мойындауға мәжбүр етемін 
5. Мектепте сіз дауласып жүрген және ұнатпайтын мұғаліміңіз бар. Сіз ...: 
а) ол басқа мектепке ауысып кеткенге дейін жоюға барасыз 
б) оны қатал шаралармен жөнге саласыз, қайта тәрбиелейсіз 
в) жақсылыққа сүйеніп, оған жол іздеп шыдамдылық танытасыз 
6. Мұғалімдер бөлмесінде күлкілі жағдай айтылып жатса: 
а) сіз барлығымен бірге күлесіз 
б) мұғалімдерге күлкіге жол бермеу керектігін айтып ескертесіз 
в) үндемейсіз, күлмейсіз, әңгімені өзгертуге тырысасыз
7. Сізді жас мұғалімдер бізді «алалайды» деп санайды: 
а) сіз еш сыр бермейсіз, мейлі не ойласа соны ойласын 
б) мектеп жиналысында мұғалімдердің көкейінде жүрген сұрақтарға жауап бересіз
в) сол жас маманды жиналыстардың біріне қатысуға шақырасыз 
Бағалау : 
А – 0 балл
Б – 1 балл
В - 3 балл Барлық жиналған ұпай саны- _________

1-6 балл – Сізге психологтің көмегі керек. Сіз өзіңіздің педагогикалық қателіктеріңізді түсінбейсіз. Мұғалімдер Сізге «зорға шыдап жүр», кейде қорқады. 
7-12 балл – Сіз оқыту және тәрбиелеу процесінде көбінде әділ бола бермейсіз. Өзіңіздің кейбір ағаттықтарыңыздың орнын ұстаздардың түсінушілігімен, олардың мотивтерімен толтырасыз.
13-16 балл – Қазіргі заман педагогтары үшін үлгісіз, бірақ сізге әбден төселу қажет, өйткені заман күнде өзгереді сондықтан Сізге заман талабына ілесе білу керек. Әрекет етуге асықпауға тырысыңыз, сонда сіздің мұғалімдерге деген қылықтарыңыз әділірек болады.
17-21 балл – Барлық ситуацияларда идеалды сезінесіз. Сізде әділдік сезімі жақсы дамыған. Тек басқа мұғалімдерге бағыт сілтеуге тырыспаңыз, олар сіздің үнсіз үлгіңізді көріп өздері «өсе» түссін.
2. «Сіз қандай жұмысшысыз?» тесті
Тапсырма: суретті жалғастырып салып, жылқыға жағдай жасау.





Егер сіз жылқының сырт келбетіне басты назар аударсаңыз (тұяғын,жалын,және құйрығын салсаңыз) онда сіз еңбектене білесіз, бірақ жұмысты бір арнада істемейсіз. Бірақ сіз еңбекққор адамсыз.
 Егер сіз жылқының бет әлпетіне басты назарды аударсаңыз (көзін,тұмсығын,аузын,кекілін салсаңыз) онда сізде жұмысқа романтикалық қатынас басым,сізде иллюзиялар мен үміттер толы.
 Егер сіз жылқының әрбір қылын салсаңыз, ұсақ–түйек нәрсеге көп уақыт жұмсасаңыз,бұл сіздің тер төгуді қажет ететін еңбектерді атқаруды ұнататындығыңызды білдіреді.Барлық нәрсені дер кезінде орындайсыз. Өзіңізге және басқаларға сын көзбен қарайсыз.Сізге кез келген жұмысты сеніп тапсыруға болады, сіз бастаған жұмысыңызды соңына дейін жеткізетін өте еңбекқор адамсыз. 
 Егер сіз жылқыны шөпке немесе алаңға қойсаңыз, бұл сіздің жақсы жағдай жасалған жерде жұмыс істегіңіз келетіндігіңіздің белгісі, сіз тұйықтарды, шектеу қоятын жұмыстарды ұнатпайсыз. Тәуелсіз болғанды қалайсыз.
 Егер сіз жылқыға жүген салсаңыз немесе қамыт кигізсеңіз, онда сізге қысыммен жұмыс істеген ұнамайды.

Психолог: Ал енді сіздерді сауалнама қорытындысымен таныстырып өтейін./слаид арқылы көрсету/

Психолог: « Біз кереметпіз!» тренингінің соңына да келіп жеттік. Егер тақырыбымызға келетін болсақ, «керемет» деген түсінік бір нәрсенің біткенін, аяқталғанын білдіреді (Мыс. керемет үй екен, керемет семинар т. б.). Бірақ біздің жолымыз біткен жоқ, біз әрдайым қозғалыстамыз. Көздеген мақсатымызға жеткенде біздің алдымыздан тағы да өзге жаңалықтар ашылады, қазіргі дәуірде, яғни 21 - ғасырда жаңалықтың шегі жоқ. Олай болса жаңашыл 21 - ғасырдың Керемет педагогтары бола берейік!
Мен сіздерге шығармашылық табыстар тілеймін!