Сыныбы: 9
Сабақтың тақырыбы: Жеңіл және тамақ өнеркәсібіндегі кәсіби қызмет
Сабақтың мақсаты:
Білімділік:Оқушыларға тамақ және жеңіл өнеркәсіп, оның түрлері жайлы түсінік беру.
Дамытушылық: Оқушылардың тамақ және жеңіл өнеркәсіптердегі кәсіби қызмет түрлері жайлы білімдерін жүйеге келтіре отырып, іскерліктерін, дағдыларын қалыптастыру.
Тәрбиелік: Оқушыларды кәсіби қызмет түрлерін дұрыс таңдай білуге, ұқыптылыққа, шыдамдылыққа тәрбиелеу.
Сабақтың түрі: Аралас сабақ
Сабақтың әдісі: Сөздік, көрнекілік, практикалық, тест сұрақтары.
Сабақтың көрнекілігі: Тақтамен жұмыс, қабырға газеттері, таратпа материалдары.
Пән аралық байланыс: Тарих, сызу,биология
Сабақтың барысы
I. Ұйымдастыру кезеңі (Сәлеметсіздер ме, оқушылар? Отырыңыздар. Сыныпта бүгін кім кезекші? Сабақта кім жоқ?Оқушыларды түгендеу).
II. Өткен сабақты қайталау-5мин.
Үйге қандай тапсырма берілді? Үйге берген тапсырмаларын сұрау, тексеру.
III. Жаңа сабаққа кіріспе Оқушылар, бүгінгі өтетін сабағымыздың тақырыбы: «Тамақ және жеңіл өнеркәсіптердегі кәсіби қызмет түрлері».
Өнеркәсіп – ұлттық экономиканың шикізат, отын, энергия өндірумен, ағаш өнімдерін дайындаумен, өнеркәсіп және ауыл шаруашылық шикізатын өндіріс құрал-жабдығы мен тұтыну заттарына өңдеумен (қайта өңдеумен) айналысатын кәсіпорындарды (зауыттарды, фабрикаларды, кеніштерді, шахталарды, электр стансаларын, т.б.) біріктіретін аса маңызды саласы.
IV.Жаңа сабақ
Тамақ өнеркәсібі машина жасаумен, саудамен, көлікпен тығыз байланысты. Бірақ ол, ең алдымен, ауыл шаруашылығымен байланыс жасайды: оның шикізаттарын өңдеп, ауыл шаруашылығы салаларының дамуына оң ықпал жасайды.
Көптеген «тамақ өнеркәсіптері» көлемі үлкен, қымбат құрал-жабдықтар пайдаланады.
Тамақ өнеркәсібі - тұтас салалар кешені.
Оның орналасуына шешуші әсер ететін негізгі 2 фактор шикізат және тұтыну. Материалды көп қажет ететін салалары дайын өнім бірлігін шығаруға кететін шикізат шығыны үлкен. Шикізат факторының әсерін көрсететін нақты мысалға - қант өнеркәсібі (Алматы, Жамбыл) географиясын жатқызуға болады. Нан пісіру көптеген елді мекендерде бар. Кондитер, макарон өнімдері өндірісінің де кеңістікте таралу «бейнесі» осыған ұксайды. Ең ірі кондитер өндірісі - Алматы мен Қостанайда, шай - Алматыда, макарон енімдері - Петропавл қаласында орналасқан.
Тамақ индустриясының бірқатар салалары шикізатқа да, тұтынушыға да бағытталып жұмыс істейді.Жеңіл өнеркәсіптің мақсаты - тұрғындарды әдемі, әр алуан, ең бастысы тиімді — жоғары сапалы киіммен және аяқ киіммен қамтамасыз ету.Жеңіл өнеркәсіп (кей жағдайда болмаса) - материалдан гөрі еңбекті көп қажет ететін, экологиялық жағынан «таза» және көбінесе «әйелдер» қызметінің саласы.
Жеңіл өнеркәсіптегі басты сала - мата тоқу саласы. Негізінен ауыл шаруашылық өнімдерін пайдалана отырып, ол мақта, жүн, зығыр, жібек маталары мен тоқыма өнімдерін, киіз шығарады.Жеңіл өнеркәсіптің «кез келген жерде орналаса беретін саласы» тігін өнеркәсібі.
V. Сабақты қорыту.Жалпы, бүгін біз сіздермен тамақ және жеңіл өнеркәсіп түрлерімен таныстық.
Сабағымызды қорытындылай келе бүгінгі өткен сабақ бойынша сұрақтар қоямын.
1) Өнеркәсіп дегеніміз не?
2) Өнеркәсіптің түрлерін атаңыз?
3) Жеңіл өнеркәсіпке не жатады?
4) Тамақ өнеркәсібі немен байланысты?
5) Тігін өнеркәсібі қай салаға жатады?
VI. Оқушыларды бағалау
VII. Үйге тапсырма: Жазған материалды оқу, құрал-жабдық алып келу
