Куян кызы.
Алып баручы:
Исәнмесез куяннар !(ой, гафу итегез)
Исәнмесез кунаклар!
Сезгә әкият сөйләргә
Тезеп сүзләрен сүзгә
Килдем ерак –ерактан
Ерактагы урманнан.
Беләсезме? Шул урманда
Бер әни куян торган
Шушы эни куянның-
Бер нәни-ииии кызы булган.
Үзе нәни булса да,
Үзе тәти булса да,
Булган начар гадәте-
Эш кушсалар –баш тарткан,
Модно киенергэ,телевизор карарга
Һәм уйнарга яраткан.
Музыка
Ана куян керә:
“Алан” базарына бардым
Кызыма итек алдым.
Кыш көне киеп йөрсен
Тәпиләре өшемәсен!
-Кызым,кызым ,бәбкәем! Син өйдәме? Әниең кайтты ,сиңа тәти итекләр алып кайтты. (Үз –үзенә сөйләнә):Нинди матурлар алар!Үзебезнең итекләр! Кукмара итекләре!
Кызым ,бәбкәм кил әле
Итекләрне күр әле
Эзләдем, көчкә таптым –
Иң модныен алып кайттым!
Куян кызы.-О, -әнием кайткан !Мина нидер алып кайткан!
Итекләр ?!Миңа шундый итекләр? Ни-ни... әни... бу итекләр миңамы?
Ана куян
-Нәрсә балам ,әллә ошатмадың инде итекләрне? Я, киеп кара әле!
Куян кызы:
Юк әнием ,алар миңа кечкенә.Аягымны кысалар .Кожасы да йомшак түгел...
Аннан:
Мондый итекләрне күптән
Бер куян да кими бит
Әгәр миндә күрсәләр... Әгәр миндә күрсәләр...
Ана куян
-Нәрсә булыр күрсәләр?
Куян кызы:
Бер кычкырып көләрләр..
Юк ,әнием ачуланма
Кимим бу итекләрне
Кия калсам йөгереп булмас...
Куып тотар төлкеләр дә.
Ана куян :
Ки балам ,син карышма
Әниең белән ярышма
Урман эче ап-ак кар
Кая барсан киеп бар.
-Мә балам ки аякларыңа.
Куян кызы:
Юк ,әнием, ачуланма!
Ялындыра дип уйлама
Кияр идем мин аларны
Булса икән –Саламандра!
-Мин киттем әнием Мине чакыралар:
Шундый рәхәт кыш көнендә
Яланаяк йөгерергә
Бер береңне узышып
Куышып сикерергә.
(Куян бии)
Абау, куянкайлар,салкын булып китте
Тәпиләрем өши башлады.
Нигә кимәдем икән итекләрне?
Нигә әниемне тыңламадым икән?
-Әнием ,әнием минем ,минем аякларым бик авырта.Минем итекләремне бирче зинһар!
Ана куян:Алар бит модный түгелләр.Кожасы да йомшак түгел..Сиңа бит алар ошамадылар.
Куян кызы:Модный ,модный әнием .Ай, минем аякларым ...Ярдәм ит әнием.
Ана куян:
-Кая кызым, якты йолдызым ,аякларыңны карыйм әле.Абау синең аякларың шешкән бит!Нишләргә икән?Куршем! Тиенкәй ,ярдәм ит зинһар.
Тиен:
-Кайгырма туганкай ,йомшак куянкай.Кызыңның аягы бик тиз төзәлер .Менә мин Доктор Айболитка смс җибәрдем.Барыгыз Айболитка .Ул сезне көтә.
Ана куян.
-Әйдә кызым ,әйдә...(чыгып китәләр,Айболитка шакыйлар):
Айболит ! Айболит ! Минем кызыма ярдәм ит!
Айболит:
Әй, куянкай,йомшаккай
Кил бирегә матуркай
Курыкма син,калтырама
Кил якынрак оялма.
Куян кызы:
-Куркам ,куркам Айболит
Минем аягым болит.
Айболит:(Суккалап карый)
-Монда болит? Монда болит?
-Синдәәәәәә------заячий артрит!
-Менә сиңа рецепт:
Куян кызы: рецепт?(укый)
-200 грам кишерне кыргычта кырып кәбестә яфрагына салып аякка ябарга һәм җылы итекләрне кияргә
Куян кызы:
Рәхмәт Айболит! Шулай эшләрбез!(Китәләр)
Әй куяннар, (ой, гафу итегез) кунаклар! күрегез:
Мин мактанмыйм белегез!
Киез итек киегез
Файдасы бар белегез!
