Сабақтың тақырыбы
«Алғыс алсаң көп жасайсың»
Жалпы мақсаты
Мақсаты: Оқушылардың «сыйластық» құндылықтары туралы түсініктерін кеңейту.
Міндеттері:- ризашылық пен алғыс туралы түсінік беру;
Негізгі идеялар
Адамгершілік, рухани мәдениеттілікке, ізеттілік
Мұғалімнің тәрбиелеудегі нәтижесі
Оқушылардың бойынан сыпайылық пен адамгершілік құндылықтарын дамыту
Ақпарат көздері
БАҚ, газет-материалдары, ғаламтор желісі
Пайдаланылған құралдар
Интербелсенді тақта көмегімен дайындалған слайд, видиоролик, суреттері – плакаттар
Іс-әрекет түрлері
Өз ойларын айту
Мақал-мәтелдердің мағынасын ашу, видиоға қатысты ойларын айту, қатысушы
Өлең шумақтарын, өз арнауларын оқу
Мұғалім «Алғыс алсаң көп жасайсың»
атты тақырыпта оқушыларға жан-жақты мәліметтер беруші
Кезеңдері
Мұғалім немен
айналысады?
Бөлінген уақыт
Оқушы немен айналысады?
Сәлемдесу
Жоспар:
1. Кіріспе Әңгімелесу
2. Терминдер: Алғыс, ризашылық
Мақал-мәтелдерді түсіндіру
3.Сахналау
20 мин
Оқушыларға мұғалімнің кіріспе сөзі
Ой толғаныс
Әңгімелесу
Алғыс дегенді қалай түсінесіңдер?
Адам өзінің ризашылығын, алғысын қандай сөздермен білдіреді?
Сендерге кім қандай жағдайда алғыс айтты?
Өздерің қандай жағдайда алғыс айтып көрдіңдер?
Ризашылық-адамның басқа адамнан көрген жақсылығы, көмегі, көңілі үшін қанағаттанушылық және алғыс білдірушілік сезімі
–Алғыс-адамның адамға жасаған жақсылығы, көмегі, көңілі үшін ризашылық білдіруі, сондай-ақ оның ойы мен іс-әрекетіне, жасаған істеріне жоғары баға беруі.
10 мин
Алғыс алған арымас,
қарғыс алған жарымас
Алғыс алған жігіттің аты бәйгеден келеді
Алтын алма, алғыс ал:
алтын деген жер сыйы,
алғыс деген ел сыйы.
Бедеу мінсең бел аласың,
Алғыс алсаң көп жасайсың.
Бота алғанша — бата ал.
Ел алғысын алсаң елеулісі боларсың.
Қағынған қарғыс алар, Қарасқан алғыс алар.
Құр алғыс азық болмайды.
мақалдары
оқушылардың түсіндіруі
Бекіту кезеңі
Сахналау:
Балалар өмірде кездесетін жағдайларға қарай ризашылық білдіруге, алғыс айтуға дағдыландыру мақсатында сахналау ұйымдастырылады. Әлгінде оқыған Данышпан атаның алғыс сөздерін сахналау кезінде қолдануымызға болады.Оқушыларды үш топқа бөлу. Әр топқа жеке-жеке сахналау тапсырмалары беріледі.
І топ: Мұғалімнің және сыныптастардың қыз баланы туған күнімен құттықтау сәтін сахналау;
ІІ топ: Ағалы-қарындас туыстардың үйге келген қонақтарды күтіп алу сәтін сахналау;
ІІІ топ: «Жас ұлан» тобының қарттар үйіне барып, қайырымды іс жасау сәтін сахналау.
(интерактивті тақтада сахналайтын бейнелердің суреттері беріледі)
Дәйексөз «Өмірге риза болып, алғыс айт» тақтада жазулы болу керек.
-Адам өзінің өмірге келгеніне қуанып, риза болады. Қолындағы барын қанағат тұтып, осының да бар болғанына рахмет деп алғысын білдіреді. Алғыс пен ризашылық білдіру өзіңді, өмірді, өмірде барды бағалаудан басталады.
10 мин
Оқушылардың күнделікті өмірдегі жағдайда алғыс айту көрінісін көрсетуі
Алғыс айту қаншалықты адамның өміріне әсерін тигізетінін анықтау
Жеке көңіл-күйге, адамгершілік қасиеттерді дамытуға ықпалының маңыздылығы
Сергіту сәті
–Балалар, жылы сөз, қайрымды іс, жақсы ой, кіршіксіз сезімдеріңді ешкімнен ешқашан аямаңдар, «Рахмет» деген қасиетті сөзді жиі айтыңдар. Адам алғыс пен ризашылықты естіген сайын, жақсылық жасағысы келіп тұратынын естеріңде сақтаңдар. Өмірдің әрбір сәтін бағалай білуге үйреніңдер және Табиғат –Анаға мейірімді күні үшін, көңілді жаңбыры мен ақ қары үшін, жұмсақ ұлпа бұлты үшін, жақын адамдарға қайырымдылығы мен риясыз махаббаты үшін алғыс айтуды ұмытпаңдар.
2 мин
Оқушылардың бүгінгі тақырыпқа байланысты ой-пікірлерін қорытындылауы
Бағалау кезеңі
Бір-бірін бағалай білуі
3 мин
Оқушылардың жеке ойларын айтуы
