Алматы облысы Кербұлақ ауданы
«П. Дутов атындағы орта мектеп МДШО» КММ
тәрбие ісі жөніндегі орынбасары
Кенжебекова Бахтыгуль Калибаевна
Тәрбие сабағы 7 сынып
Тақырыбы: «Елімнің Тұнғыш Президенті»
Мақсаты:Қазақтың Тұңғыш президенті Нұрсұлтан Әбішұлы Назарбаевтың өмір жолы туралы мағлұмат беру; Елбасындай Отанын, халқын сүюге, нағыз азамат, шынайы патриот болуға тәрбиелеу; Оқушылардың бойында Елбасына деген сүйіспеншілік, құрмет сезімін қалыптастыру, тәрбиелеу.
Әдісі: топтық жұмыс, постер қорғау
Түрі: Саяхат сабағы
Көрнекілігі: Нұрсұлтан Назарбаевтың портреті, кітап көрмесі, нақыл сөз -
дері, слайдттар
Сабақтың барысы:
І. Ұйымдастыру бөлімі
ІІ. Топқа бөлу
ІІІ.”Сергіту сәті»
IV. Елбасы Нұрсұлтан Әбішұлы Назарбаев туралы оқушыларға қысқаша мағлұмат беру
V. Елбасына арналған өлең шумақтары
V І. Топтық жұмыс
V ІІ Кері байланыс
Оқушылармен амандасып, сыныпты топқа бөлу (көк пен сары түсті стикер таңдау арқылы)2 топқа бөліп өтырғызу
Мұғалім:Құрметті балалар! Бүгінгі «Елімнің Тұнғыш Президенті » атты ашық тәрбие сағатымыз еліміздің тұңғыш президенті Нұрсұлтан Әбішұлы Назарбаевқа арналады.
Нұрсұлтан Назарбаев 1940 жылы 6 шілдеде Алматы облысының Қарасай ауданына қарасты Шамалған ауылында Әбіш пен Әлжанның отбасысында дүниеге келген.
1940 жылы 6 шілдеде Іле Алатауының баурайындағы Үшқоңыр жайлауында Әбіш пен Әлжан Назарбаевтардың шаңырағында дүниеге келді. Оған әке - шешесі Нұрсұлтан деп ат қойды. Сәбиге ат таңдаудың өзі жатқан бір хикаяға айналды. Тойға жиналған ағайын - туыс түрлі есімдерді тұс - тұстан айтып жатты. Ең ақырында жаңа туған ұлдың әжесі Мырзабала мынадай ұсыныс білдірді: «Менің сүйікті немерем екі бірдей есімді алып жүрсін. Оның аты Нұрсұлтан болсын деген екен.
Мұғалім:Неліктен Президент күні мерекесі 1 желтоқсанда аталып отыр? (оқушылардан жауап)
Өйткені 1991 жылы 1 - желтоқсанда жалпы халықтық сайлау өтті. Нәтижесінде Нұрсұлтан Әбішұлы Назарбаев 98, 7 басым дауыспен Қазақстан Республикасының Тұңғыш Президенті болып сайланды.
Лебізі шәкірттердің аса мәнді,
Арналса әр адамға ол да сәнді.
Шәкірттерім арнамақ жылы лебіз,
Ел басына тани білген әрбір жанды.
(12 оқушыға тақпақтар айтқызу)
Топтық жұмыс:
- Ал Елбасымыздың өмірі мен қызметі туралы не білесіздер? (Оқушылар
өздері білетін мәліметтерін айтып шығады)
Нұрсұлтан Назарбаев 1940 жылы 6 - шілде де Алматы облысы Қаскелең ауданындағы Шамалған ауылында Үшқоңыр жайлауында дүниеге келген. Балалық шағы таршылық жағдайда өтті. Мектепті жақсы оқыды. Ата - анасын құрмет тұтты. Ұшқыш болуды армандады. Тұңғыш президентіміздің өмір жолы қиын да қайталанбас көп қырлы.
Отбасы туралы (слайд)
Жұбайы - Сара Алпысқызы. Халықаралық «Бөбек» балалар қайырымдылық қорын басқарады. Елбасымыздың үш қызы бар:
Дариға - саясат ғылымдарының докторы, ЖАҚ «Хабар»ақпараттық агенттігінің директорлар Кеңесінің Төрайымы, Қазақстан Республикасы Парламенті Мәжілісінің депутаты.
Динара – Нұрсұлтан Әбішұлы Назарбаев атындағы білімді қолдау қорын басқарады.
Әлия – «Элитстрой» құрылысын басқарады.
Елбасымыздың қызмет жолы: (слайд)
1960 жылы Днепродзержинск техникалық училищесін, 1967 жылы Қарағанды металлургия комбинатына қарасты жоғары техникалық оқу орынын, 1976 жылы Кеңес Одағы коммунистік партиясы Орталық комитетіне қарасты Жоғары партия мектебін бітірген.
Еңбек жолын 1960 жылы Теміртау қаласындағы Қарағанды металлургия комбинатында қатардағы жұмысшы болып бастап, домна пешінің аға газдаушылығына дейінгі жолдан өтті.
1969 - 1973 жылдары Қарағанды облысы Теміртау қаласындағы партия - комсомол жұмыстарында жауапты қызметтер атқарды.
1999 жылы қаңтардың 10 - ында өткен жалпы халықтық сайлаудың нәтижесінде Н. Ә. Назарбаев 79, 78% дауыс алып, Қазақстан Республикасының Президенті болып қайта сайланды.
2005 жылы желтоқсанның 4 - інде сайлаушылардың 91, 5 % дауыс алып,
Қазақстан Республикасының Президенті болып сайланды.
2010 жылы сайлаушылардың 91, 5 % дауыс алып,
Қазақстан Республикасының Президенті болып сайланды.
2015 жылы сайлаушылардың 91, 5 % дауыс алып,
Қазақстан Республикасының Президенті болып қайта сайланды.
Елбасының лауазымдық мәртебесі: (слайд)
• Қазақстан Республикасының Тұңғыш президенті - Елбасы
• Қазақстан Республикасы Қарулы Күштердің Жоғарғы Бас қолбасшысы
• Қазақстан Республикасы Қауіпсіздік Кеңесінің төрағасы
• Қазақстан Республикасы Ұлттық Кеңесінің төрағасы
• Дүниежүзі қазақтары Қауымдастығының төрағасы
• Қазақстан халықтары Ассамблеясының төрағасы
• «Нұр Отан» халықтық - демократиялық партиясының төрағасы
Сергіту сәті
Оқушылардың өлең шумақтарынан үзінді
Оқушы: Тәуелсіздік – рухы күшті ғажап күн
Артта қалды бодан болған азап күн
Елім, жерім қазағым деп тебіренем
Өйткені мен – тәуелсізбін, азатпын.
Мұғалім:Елбасы – туған халқын, туған жерін, даласын жанындай сүйетін адам.. Мемлекеттік жоғары лауазымдағы қызмет бос уақыт қалдыра бермейді. Алайда жұмыс арасындағы сирек үзілістерді Нұрсұлтан Назарбаев өзі үшін әрі демалыс, әрі көңіл сергіту саналатын сүйікті істеріне арнауға тырысады. Ол – табиғат аясында болу, спортпен шұғылдану, музыка тыңдау, домбыра шерту және кітап оқу.
Топтық жұмыс
1 - топ: Елбасына арнап құттықтау хатын жазу(постер қорғау)
2 – топ: Елбасына арнап өлең шығару(постер қорғау)
Ән: «Көк тудың желбірегені»оқушылардың орындауында.
Кері байланыс тілектер жазу
Қорытынды бөлім:
Мұғалім:Балалар, бүгінгі тәрбие сағатымызды Елбасының сөзімен қорытындылағым келіп тұр.
“... Мен өз халқымның жолында басымды бәйгеге тіккен адаммын. Маған ары үшін жанын садаға ететін осындай текті халыққа, мені ұлым деп, перзентім деп төбесіне көтерген халыққа, арғы - бергідегі қазақ баласының бірді - бірінің пешенесіне бұйырмаған бақытты - толыққанды, тәуелсіз мемлекет құрудың қасында болу бақытын бұйыртқан халыққа қызмет етуден артық ештеңенің керегі жоқ, осы жолда мен бойымдағы бар қайрат - қабілетімді, білім - білігімді аямай жұмсаймын, қандай да тәуекелге барамын...”
Нұрсұлтан Әбішұлы Назарбаев
