№142 орта мектеп
Отаным – алтын бесігім!
Сыныбы: 9
Сынып жетекшісі: Б. Көшербаев
2016 – 2017 оқу жылы
Тақырыбы: Отаным – алтын бесігім
Мақсаты: оқушыларды еліміздің қысқаша тарихымен таныстыру, ана тілін, Отанын сүюге тәрбиелеу, болашақта Қазақстанды өркендетуге білімді адамдар керек екенін түсіндіру, патриоттық сезімдерін дамыту.
Көрнекіліктер: еліміздің рәміздері. Отан туралы альбом, буклет, үнтаспа.
Түрі: пікірлесу
Өту барысы:
І Ұйымдастыру:
- Оқушыларға тәрбие сағатының тақырыбын хабарлау;
- Зейіндерін аударту
ІІ Негізгі бөлім:
Сағыныш: Отан деген немене деген сұраққа мен «Отан-туған жерім, өзенім, тауым, орманым, кең далам, шалқар көлім» дер едім. Отаным-Туы, Елтаңбасым, Гимнімен айбынды, айбатты. Еліміздің рәміздері 1992 жылы 4 маусымда дүниеге келді. Мемлекеттік рәміздерді қастерлеу-әрбір азаматтың міндеті.
Қазақстан Республикасының гимні орындалады.
Қазақстан Республикасының гимні 2006 жылғы 11 қаңтарда Елбасын ұлықтау рәсімінде бірінші рет айтылды. Сөзін жазғандар: Ж. Нәжімеденов, Н.Назарбаев, әні даңқты сазгер Ш.Қалдаяқовтікі.
Бекзатхан: «Сен қайда тұрасың, жас ұлан?»- деп менен сұраса: «Мен Қазақстанда тұрамын, Қазақстан Республикасының азаматымын» дер едім. Менің елім Қазақстанда тұратын көп ұлттың ортақ үйі. Біздің ұлы Отанымыз Қазақстан 1991 жылы 16 желтоқсанда толық тәуелсіздік алды. Әлемдегі 164 егеменді елдің бірі, БҰҰ-на мүше. АҚШ, Қытай, Ресей, Ұлыбритания, Германия, Франция, Жапония, Түркия сияқты аса ірі мемлекеттермен өзара тиімді экономикалық байланыстар орнатты. : Еліміз тәуелсіздік алғананнан кейін 1993 жылы Ата Заң қабылданды. 1995 жылы 30 тамызда жаңа Ата Заңға өзгерту енгізілді. Ата Заңды құрметтеу, жақсы білу және мүлтіксіз орындау әрбір азаматтың міндетіне жатады. Ата Заң бойынша қазақ тілі-мемлекеттік тіл.
Дана:
Мен қазақпын, биікпін, байтақ елмін,
Қайта тудым, өмірге қайта келдім.
Мен мың да бір тірілдім, мәңгі өлмеске,
Айта бергім келеді, айта бергім.
Дархан: Отан-аса қасиетті ұғым, «Отанын сатқан-анасын сатқан» деген серт сөз бар. Отаныңа, туған халқыңа адал қызмет ету-әрбір адамның перзенттік парызы, азаматтық борышы.
Аружан:
Қазақ елі-ұлан байтақ,
Батысында қар жатса
Шығысында көктем ел
Жеткізбейтін неткен ел
Қазақстан картасын тереңірек біле түскен сайын туған елге деген сүйіспеншілік сезіміміз арта түседі.
Ерсұлтан:
Туың қандай ? Ту қандай?
Тура аспаннан туғандай.
Ал аспаны қазақтың көңілімен жуғандай.
Туың қандай? Ту қандай?
Таң нұрымен жуғандай
Қыран құсын самғатып
Күн құшақтап тұрғандай.
Алтын толы табақты
Көтерді де таң атты
Түндігіміз нұрлы да
Тұлпарымыз қанатты
Ешкімді де қас көрме
Бірақ жауға дес берме
Омырауға тағып жүр
Елтаңбасын қастерле
Тіл дегеніміз көп дейді,
Білсең есең кетпейді
Бірақ, бірақ бір тіл де,
Өз тіліңе жетпейді.
Тәуелсіз ел тірегі-білімді ұрпақ, Елбасымыз елімізде бірде-бір бала оқымай қалмауы керектігін басты назарда алды. Хор: «Отан»
Жайнатып жанымызды
Келтіріп сәнімізді
Арнайық бас қосқанда
Жаңа ғасыр -10 жылдық әнімізді.
Ән «Менің елім»- сөзі Н.Назарбаевтікі. әні: Б. Тілеухановтікі.
ІІІ. Қорытынды
- Бүгін біз тәрбие сағатында Отанымыздың тарихы туралы мағлұмат алдық. Өркендеп жатқан елімізге үлгілі тәртібімізбен, үлкенді сыйлау, талмай іздену, талаптану арқылы үлес қосамыз.
Үйге тапсырма: «Менің Отаным – Қазақстан» тақырыбында өлең немесе шағын эссе жазып келу.
