«Ақсу қаласының №3 арнайы жалпы білім беру мектеп-интернаты»ММ
Ашық тәрбие сағаты
Тақырыбы: Қазақтың шоқ жұлдызы өміріне саяхат (Қайрат Нұртас)
Жүргізген: Сағымбекова М. Б.
2015-2016 оқу жылы
Тәрбие сағатының мақсаты: Оқушыларға қазақ елінің шоқ жұлдызы Қайрат Нұртастың өмірі жайлы танымдық ақпарат беру. Оқушылардың қисынды ойлау қабілетін жетілдіру, шығармашылық қабілетін дамытып, өзіне деген сенімдерін арттыру. Ұлтжандылыққа тәрбиелеу.
Түрі: дәстүрлі емес
Барысы: Қайырлы күн, құрметті қонақтар, оқушылар! Бүгінгі күнге баршаңызға сәттілік тілей отырып, тәрбие сағатымызды бастаймыз.
Балалар, өздерің аңғарып отырғандай, біздің бүгінгі сабағымыз ерекше болмақ. Ендеше, сендер де белсенді қатыса отырып, қызықты өтуіне ат салысыңдар!
Тәрбие сағатымыздың тақырыбы-қазақтың шоқ жұлдызы өміріне саяхат.
Бірақ қандай жұлдыз туралы ақпарат алатындарыңды сендер табыңдар. Сұрақ: «Ол сен емес», «Ауырмайды жүрек» сияқты әндердің орындаушысы. Ол кім екен?
Қайрат Нұртас - Қазақстанның эстрадалық [link] , Әсет Бейсеуов, Ержан Серікбаев сияқты композиторлардың әндерін Қайрат Нұртастың репертуарынан көруге болады. Оның продюсері, әрі демеушісі анасы - Гүлзира Айдарбекова.
2013 жылы "Өкініш" атты фильмнің премьерасы болды. Фильм — әншінің мелодрамалық өмірін баяндайтын туынды. Фильмде Қайрат Нұртас басты рөлді сомдаса, оның туыстары, профессионалды әншілер мен актерлер де фильмнен қалыс қалмады.
2013 жылы II Еуразиялық музыка жүлдесінің «Үздік орындаушы» номинациясы тізімінде болды, бірақ жеңіске Әли Оқапов жетті. Ал келесі жылдағы III Еуразиялық музыка жүлдесінде Қайрат Нұртас сол номинацияда жеңісті қанжығасына байлады.
1989 жылы: Айдарбеков Қайрат Нұртасұлы 1989 жылы 25-ақпанда Оңтүстік Қазақстан облысы Түркістан қаласында дүниеге келген. 1996 жылы: Алматы қаласындағы М.Мақатаев атындағы 140 мектеп-гимназиясында алғаш қолына қалам алады. 1997 жылы: "Махаббат мұңы" әнімен алғаш 8 жасында экранға шықты. 2005 жылы: Эстрада цирк колледжінің студенті атанды. 2006 жылы: "Шаншар" әзіл-ысқақ театрында "Әке" әнін орындады. Сол жылы "Арман" әні жазылды.
Сұрақ-жауап: Балалар, ал, сендер Қайра Нұртас жайлы не білесіңдер?
Ендеше, Әншінің әндерін қаншалықты білетіндеріңді тексеріп көрейік?!
1.«Әнді анықтайық» айдары Тамаша, Қайрат Нұртастың нағыз жанкүйері екенсіңдер !
Ал, енді, екінші тапсырмаға көшейік
-
2. «100 % ұқсастық» Барлықтарыңды ортаға шақырамын. Қазір Қайраттың бір әнін қосамыз. Сендердің мақсаттарың Қайраттың бейнесін 100%-ға сомдап көрсету. Мәселен ,микрафонды қалай ұстайды, қалай қозғалады, қалай билейді Т.б.
Қонақтарымыздың мақсаты-жұлдыздың ең мықты көшірмесін табу.
Өте жақсы!
3. «Тілектер конверті» .-Балалар, қазір алдарыңдағы қағаз бетіне сендер Қайрат Нұртасқа деген тілектеріңді, өтініштеріңді жазасыңдар. Біз оның барлығын бір конвертке салып, оған жібереміз.
Қорытынды: -Балалар, бүгінгі сабақ сендерге ұнады ма? Несімен қызық болды? Сабақтан қандай әсер алдыңдар? Ендеше, барлығымыз бірге Қайрат Нұртастың Бір әнін шырқап, сабағымызды аяқтайық.
